تایبه‌ت:
سه‌ر له‌ ئێواره‌ی پێنجشه‌ممه‌ 21-1-2010 له‌ ماڵی به‌ڕێزیان، خانه‌واده‌ی جه‌نابی دكتۆر موسته‌فا زه‌ڵمی پێشوازییان كرد له‌ روناكبیری ناسراوی كورد شێخ عه‌لی باپیر ئه‌میری كۆمه‌ڵی ئیسلامی كوردستان‌و وه‌فدێكی یاوه‌ری، له‌ لایه‌ن خۆیه‌وه‌ جه‌نابی شێخ عه‌لی باپیر نیگه‌رانی خۆی به‌و ڕوووداوه‌ی كه‌ تووشی جه‌نابی دكتۆر هاتووه‌ ده‌ربڕی‌و هیوای چاكبوونه‌وه‌ی خێرای بۆ خواست، له‌ لایه‌ن خۆشیانه‌وه‌ جه‌نابی دكتۆر موسته‌فا زه‌ڵمی سوپاسی ئه‌و به‌سه‌ركردنه‌وه‌یه‌ی شێخ عه‌لی باپیری كرد‌و دڵخۆشی فراوانی خۆی به‌و سه‌ردانه‌ ده‌ربڕی.

به‌ هۆی ڕووداوێكه‌وه‌ جه‌نابی پڕۆفیسۆر دكتۆر موسته‌فا زه‌ڵمی ئازاری تووشبووه‌، به‌و هۆیه‌شه‌وه‌ نه‌شته‌رگه‌ری كراوه‌... له‌ خوای گه‌وره‌ داواكارین شیفای خێرایی بۆ بنێرێت، داوا له‌ خوێنه‌رانی به‌ڕێزیش ده‌كه‌ین له‌ دوعای خێر جه‌نابی كاك دكتۆر بێبه‌ش نه‌كه‌ن

له‌ گه‌ڵ ڕێزدا
به‌ڕێوه‌به‌رایه‌تی پێگه‌ی دكتۆر موسته‌فا زه‌ڵمی

 به‌ناوی خوای گه‌وره‌ی میهره‌بان
پاش رێزو ته‌قدیر بۆ هه‌موو لایه‌ك:  له‌ گۆڤاری (رێگا) له‌ ژماره‌ی (5) له‌ 10 /11/2008 زانیاریه‌ك بڵاوكراوه‌ته‌وه‌ كه‌ گوایه‌ ئێمه‌ قسه‌مان به‌جه‌نابی وه‌زیری ئه‌وقاف وكاروباری ئاینی هه‌رێمی كوردستان گوتووه‌، وه‌ به‌شێوه‌یه‌كی ناشایسته‌ ناوی مه‌لای كوردمان هێناوه‌.

 وێبسایتی‌ زانای‌ پایه‌به‌رزی‌ کورد پرۆفیسۆر دکتۆر موسته‌فا زه‌ڵمی‌ کرایه‌وه‌
هه‌واڵ:
پاش هه‌وڵێکی‌ زۆری‌ دڵسۆزان‌و به‌ مه‌به‌ستی‌ بڵاوکردنه‌وه‌ی‌ کتێب و بیروراکانى، ماڵپه‌ڕی ‌زانای‌ هه‌ڵکه‌وته‌‌و پایه‌به‌رزی‌ کورد (پرۆفیسۆر دکتۆر موسته‌فا زه‌ڵمی)‌ کرایه‌وه‌.